انت ليه مش بتمسك ايدى

على أيام التعارف


:انتا ليه مش بتمسك إيدي وإحنا ماشيين في الشارع؟


" " لأ بلاش.. افرضي حد من قرايبك شافنا؟ والا حد من أصحاب أخوكي في الكلية؟إن شاء الله يا حبيبتي بكره نتخطب وامسك إيديكي أدام الدنيا كلها "


.على أيام الخطوبة


:" إنتا ليه مش بتمسك إيدي وإحنا ماشيين في الشارع؟ "


" علشان مش عاوز حد يفتكر إننا علشان اتخطبنا هنصيع بقى ونعيش حياتنا..وبعدين بصراحة كده أنا مستحرم..إن شاء الله بكره نتجوز وامسك إيدك وإنتي مراتي حبيبتي في الحلال ".



على أيام الزواج:


" إنتا ليه مش بتمسك إيدي وإحنا ماشيين في الشارع؟

""يا حبيبتي إحنا مش مراهقين بقى هنمسك إيد بعض في الشارع وكده..إحنا اتنين متجوزين ومحترمين وعندنا بيت نعمل فيه اللي عاوزين نعمله ".



بعد إنجاب الأطفال


" أنت ليه مش بتمسك إيدي وإحنا ماشيين في الشارع؟


" يعني امسك إيدك والا امسك إيد البنت والا اشيل الأكياس دي كلها؟ !"



بعد ان تزوج الاولاد


" أنت ليه مش بتمسك إيدي وإحنا ماشيين في الشارع؟ "




" إيدك إيه بس اللي هامسكها دلوقتي!إنتي عاوزه جوز بنتك يقول علينا كبرنا وخرفنا ؟


باين كدا ان فية حاجة في ايديها