اضراب عن المعاصى

ايه رايكم فى الاضراب اللى حصل الاحد اللى فات ؟
طب ايه رايكوا ان الناس بدل ما كانت تعمل اضراب عن العمل كانت عملت اضراب عن المعاصى لمدة يوم
يوم واحد بس محدش يسرق فيه ولا يرتشى ولا يكدب ولا يغتاب ولا يشتم ولا ولا ولا ............
......... حاجات كتير
وكلنا نصوم فى اليوم ده وندعى ربنا سبحانه وتعالى واحنا بنفطر
تخيلوا كل الناس صايمة تطوع اليوم ده وبتدعى ربنا من قلبها ساعة الفطار
تخيلوا رحمات ربنا سبحانه وتعالى اللى هتنزل علينا
عن الرسول صلى الله عليه وسلم قال "والذي نفسي بيده لتأمرن بالمعروف، ولتنهن عن المنكر، أو ليوشكن الله أن يبعث عليكم عقابًا منه ، ثم تدعونه فلا يستجاب لكم" رواه الترمذي، وقال حسن .
يعنى احنا لازم نأمر بالمعروف وننهى عن المنكر
و نحاول نغير الغلط اللى حوالينا ...
فأيه رايكم احنا ننفذ الفكرة دى ؟
نصوم كلنا يوم ونمتنع فيه عن المعاصى كلها على قد ما نقدر
طبعا الامتناع عن المعاصى المفروض يكون منهجنا اصلا
بس احنا هنقول ان محدش معصوم من الخطأ واننا بنحاول نكون احسن
احنا اتفقنا ان اليوم ده يبقى يوم الخميس الجاى ان شاء الله
وكمان علشان صيام الاتنين والخميس سنة عن الرسول صلى الله عليه وسلم
وهندعى واحنا بنفطر كلنا نفس الدعاء
علشان ربنا يستجيب لينا ان شاء الله لما نكون كلنا متجمعين على شئ واحد
زى فى السعودية كده لما بيصلوا كلهم فى الحرم ويدعوا ربنا علشان المطر ينزل
وممكن طبعا كل واحد يزود بقى على الادعية دى زى ما يحب ويبقى اشطر مننا
الادعيه هى :-
- ربنا آتنا فى الدنيا حسنة وفى الآخرة حسنة وقنا عذاب النار.
- ربنا افرغ علينا صبرا وثبت اقدامنا وانصرنا على القوم الكافرين.
- اللهم اكفنا بحلالك عن حرامك واغننا بفضلك عن من سواك
( على فكرة ده دعاء سعة الرزق )
- اللهم ارحم أمة محمد رحمة عامة
عايزين بقى ننشر الموضوع على قد ما نقدر ونقول لكل الناس ولقرايبنا واصحبنا وزمايلنا فى الجامعة ونبعت للى نعرفهم اميلات ونكلم الناس فى التليفون ونزل الموضوع على المنتديات ونبعت للجروبات
وبدل الدعوة للاضراب هندعوا للاصلاح
عايزين بقى نشوف انهى دعوة هتبقى اقوى واكبر
والرسول صلى الله عليه وسلم بيقول فى جزء من حديث ليه : "من سنَّ في الإسلام سنّة حسنة فله أجرها وأجر من عمل بها بعده من غير أن ينقص من أجورهم شيء "
يعنى اللى هيقول لحد ويصوم هياخد ثوابه
شوف ممكن تاخد ثواب قد ايه ؟
يلا فرصة نقول ان احنا صح وبنتجمع فى الخير زى ما بنتجمع فى الماتشات والخناقات
وربنا يتقبل منا جميعا
و نفتكر ان اصلاح بلدنا هيبدا من اصلاحنا لانفسنا
فلازم نغير من انفسنا

منقول



تأملت الدنيا فوجدتها سراب الراغب و رزق الزاهد.

جزاكي الله خيرا

بس الناس كلها كانت عارفة ان الاضراب ده كان كذبة ابريل